Kronikë

Aksident apo vrasje, në Vlorë? Pas vdekjes së dyshimtë, policia pret përgjigjen e Institutit të Mjekësisë Ligjore në Tiranë

Shkruar nga Liberale
Aksident apo vrasje, në Vlorë? Pas vdekjes së dyshimtë,

Një aksident ka ndodhur mëngjesin e kësaj të hëne në Vlorë.

Një pronar agjensie biletarie është gjetur i vdekur pas një aksidenti fatal për jetën.

Familjarët kanë bërë denoncimin në polici ku sipas tyre i afërmi i tyre është aksidentuar dhe më pas është grabitur. Ata kanë paraqitur si provë mungesën e çantës tek ky i fundit, ndërsa sipas dokumentacioneve përkatëse të viktimës ai është identifikuar si Nadir Gjata.

Por sipas policisë, 63-vjeçari Nadir Gjata rreth orës 04:00 të mëngjesit dyshohet se ka humbur kontrollin mbi drejtimin e automjetit tip “Ford Fiesta”, për pasojë automjeti i tij ka përplasur një automjet të parkuar (taksi), i cili gjatë zhvendosjes ka përplasur 2 automjete të tjera të parkuara.

Paraprakisht, dyshohet se 63-vjeçari ka humbur kontrollin mbi drejtimin e automjetit, për shkaqe shëndetësore, më pas automjeti i tij është përplasur me automjetin taksi dhe për pasojë ky shtetas ka humbur jetën.

Njoftimi i policisë

Më datë 21.08.2023, rreth orës 04:00, në lagjen “28 Nëntori”, Vlorë, në afërsi të vendit të quajtur “Kapelja”, shtetasi N. GJ., 63 vjeç, banues në Vlorë, dyshohet se ka humbur kontrollin mbi drejtimin e automjetit tip “Ford Fiesta”, për pasojë automjeti i tij ka përplasur një automjet të parkuar (taksi), i cili gjatë zhvendosjes ka përplasur 2 automjete të tjera të parkuara.

Paraprakisht, dyshohet se 63-vjeçari ka humbur kontrollin mbi drejtimin e automjetit, për shkaqe shëndetësore, më pas automjeti i tij është përplasur me automjetin taksi dhe për pasojë ky shtetas ka humbur jetën.

Trupi i pajetë u transportua në morg, për kryerjen e ekspertizës mjekoligjore, për të përcaktuar shkakun e humbjes së jetës. Nga këqyrja paraprake e trupit, eksperti mjekoligjor nuk ka konstatuar shenja dhune.

Grupi hetimor, në drejtimin e Prokurorisë, vijon punën për sqarimin dhe dokumentimin e plotë të rrethanave të ngjarjes, si dhe po bashkëpunohet me Institutin e Mjekësisë Ligjore në Tiranë, për përcaktimin e shkakut të humbjes së jetës së 63-vjeçarit

Liberale Newsroom

Poll
SHQIPENGLISH