Polis

UET i jep titullin “Doktor Honoris Causa” znj. Deborah L. Wince-Smith, lidere e nxitjes së konkurrueshmërisë dhe inovacionit

Shkruar nga Liberale

UET i jep titullin “Doktor Honoris Causa” znj. Deborah L.

Universiteti Europian i Tiranës ka nderuar me titullin “Doktor Honoris Causa” znj. Deborah L. Wince-Smith, presidente dhe drejtoreshë ekzekutive e Këshillit të Konkurueshmërisë, një koalicion i drejtuesve të kompanive, presidentëve të universiteteve dhe liderëve të sindikatave, të angazhuar për të drejtuar konkurrueshmërinë ekonomike të SHBA-ve.

Në krye të kësaj organizate prej vitit 2001, znj. Wince-Smith ka qenë nxitëse e nismave të ndryshme që kanë formësuar agjendat e konkurrencës, industrive, universiteteve dhe enteve qeveritare në të gjithë botën. Me përpjekje të paepura, ka mbështetur zhvillimin ekonomik, sigurinë mbajtjen e vlerave demokratike, duke ofruar një platformë për pjesëmarrje dhe mundësi të barabarta në botën e tregut të lirë.

Deborah L. Wince-Smith e ka nisur zhvillimin profesional si drejtore programi për Fondacionin Kombëtar të Shkencës në vitet 1976- 1984, ku ka menaxhuar projekte kërkimore të SHBA-ve me vendet e Evropës Lindore dhe universiteteve amerikane. Më pas ka ndjekur një karrierë të spikatur si zyrtare e lartë e qeverisë amerikane, duke qenë pjesë e administratës së presidentëve Ronald Regan, George W. Bush dhe Barak Obama, në departamente që mbulonin çështjet e politikave, shkencës dhe teknologjisë.

Ka marrë “Doktoratë Nderi” nga disa universitete amerikane, si ai i Miçiganit, Toledos, Karolinës së Jugut dhe së fundi i shtohet titulli nga Universiteti Europian i Tiranës. Ishin dy pedagogët e këtij universiteti, prof. dr. Drita Kruja dhe prof.dr. Kreshnik Bello, të cilët si dëshmitarë të impaktit të saj amerikan dhe botëror, i propozuan Senatit nderimin me titullin më të lartë akademik për kontributin në shoqëri.

Rektori i UET, prof.dr. Tonin Gjuraj falënderoi znj.Wince-Smith që pranoi këtë nderim nga një universitet shqiptar, një vlerësim dhe njohje e punës dhe impaktit të saj botëror, në përmirësimin e konkurrueshmërisë dhe zhvillimin e inovacionit.

“Në mbështetje të rekomandimeve dhe në njohje të kontributeve të shkëlqyera në inovacion, zhvillimin e teknologjisë dhe bashkëpunimin ndërkombëtar, Senati vendosi t’i japë zonjës Deborah L. Wince-Smith titullin “Doktor Honoris Causa”, me motivacionin:

“Për kontributin e spikatur në përmirësimin e konkurrueshmërisë përmes transferimit të teknologjive dhe inovacionit, si dhe përfshirjen e Shqipërisë në rrjetin global të konkurreshmërisë, si një instrument për rritjen e mirëqenies ekonomike dhe ruajtjen e vlerave demokratike të shoqërisë.”

UET i jep titullin “Doktor Honoris Causa” znj. Deborah L.

Znj. Deborah L. Wince-Smith foli për ndikimin që ka në ditët e sotme inovacioni dhe inteligjenca artificiale, pa lënë jashtë vëmendjes nevojën e krijimit të partnerieteteve, pasi nuk mund të jemi novatorë pa përfshirjen e komunitetit. Duke rekmanduar bashkëpunimin ajo u shpreh optimiste për gjetjen e mënyrave që do të zhvillojnë Shqipërinë dhe do të mbajnë të rinjtë në vendin e tyre.

“Ju duhet të bëni gjëra në këtë vend për t’i mbajtur të rinjtë tuaj të shkëlqyer këtu dhe gjithashtu të gjeni mënyra për t’i rikthyer ata që të vijnë dhe të ndërtojnë vendin, Shqipërinë dhe rajonin. Unë nuk e di përgjigjen për këtë, por mendoj se do të jenë vende si Universiteti Europian i Tiranës, Këshilli i Konkurrueshmërisë, që do të sjellin gjëra për gjetjen e zgjidhjeve. Shpresoj që kur të kthehem me punën time me universitetin, të shoh më shumë të rinj shqiptarë përrallor që do të qëndrojnë këtu, ose do të kthehen për të ndërtuar të ardhmen e tyre.”

Ky është titulli i 17-të “Doctor Honoris Causa” që jep UET. Më herët është akorduar për personalitete shqiptare e botërore, si: nobelisti i ekonomisë Muhammad Yonus, Lordi Anthony Giddens, filozofi anglez Roger Scruton, diplomati Christofer Hill, filozofi francez Luc Ferry, shkrimtari i madh Dritëro Agolli, ish-trajneri Gianni De Biasi etj.

UET i jep titullin “Doktor Honoris Causa” znj. Deborah L.

Dhënia e këtij titulli u parapri nga nënshkrimi i një Memorandumi Mirëkuptimi për bashkëpunim mes Universitetit Europian të Tiranës dhe Universiteti të Pittsburgut, me qëllim zhvillimin e projekteve të përbashkëta në fusha të ndryshme të kërkimit, marrjen e ekspertizës dhe sjelljen e metodave më të mira amerikane në vendin tonë. Tashmë Universiteti Europian i Tiranës kalon kufjtë e kontinenit, duke hedhur hapat e parë të zhvillimit në Shtetet e Bashkuara të Amerikës.

Liberale Newsroom

Poll
SHQIPENGLISH