Zbuloni universitetet më të mira në mbarë botën me renditjen e universiteteve botërore të Times Higher Education 2025
Këtë vit, Times Higher Education, ka renditur më shumë se 2000 institucione nga 115 vende dhe territore. Vendi ynë nuk përfshihet në analizën e 2000 universitereve më të mira në botë, sepse qëndron ende shumë larg tyre.
Oksfordi mban vendin e parë për të nëntin vit radhazi, i përforcuar nga përmirësimet e rëndësishme në angazhimin dhe mësimdhënien në industri.
Kina afrohet më shumë me 10-shen e parë, duke rritur më tej ndikimin e saj kërkimor global.
Pesë universitetet më të mira të Australisë të gjitha rrëshqasin në renditje, për shkak të rënies së reputacionit dhe perspektivës ndërkombëtare.
Tre vende të reja i bashkohen 200 më të mirëve - Brazili, Arabia Saudite dhe Emiratet e Bashkuara Arabe - duke vënë theksin në rritjen e tregjeve në zhvillim në arsimin e lartë.
Renditjen e “Times Higher Education” e universiteteve më të mira në botë për vitin 2025 e dominojnë SHBA-të dhe Britania e Madhe, ndërsa universitetet evropiane po shënojnë rënie.
Universiteti i Oksford ka ruajtur pozicionin e tij si universiteti më i mirë në botë për të nëntin vit radhazi, sipas listës, i ndjekur nga Instituti i Teknologjisë i Masaçusetsit (MIT), Universiteti i Harvardit dhe Universiteti i Princetonit që u ngjit nga vendi i gjashtë në vendin e katërt në 2025.
Universiteti i Kembrixhit mbeti në vendin e pestë, i pandryshuar nga viti i kaluar, ndërsa Universiteti i Stanfordit ra nga pozita e dytë në të gjashtën.
Institucionet nga Shtetet e Bashkuara dhe Britania e Madhe ndanë të gjitha 10 vendet e para, d.m.th. shtatë prej tyre janë shkolla nga SHBA, dhe ato nga Britania e Madhe janë tre gjithsej.
Renditja bazohet në 18 tregues të performancës në pesë kategori, duke përfshirë mësimdhënien, mjedisin kërkimor, cilësinë e kërkimit, perspektivën ndërkombëtare dhe industrinë.
Lista e vitit 2025 tregoi gjithashtu një ndryshim në peizazhin global, me shumë universitete evropiane që ranë në renditje, ndërsa institucionet aziatike vazhduan të përmirësonin pozicionet e tyre globale.
Duke përjashtuar vendet dhe rajonet e tjera, tre universitetet më të mira në Evropë janë të gjitha nga Mbretëria e Bashkuar dhe përfshijnë Universitetin e Oksfordit, Universitetin e Kembrixhit dhe Kolegjin Imperial në Londër.
Universiteti zviceran ETH Zurich u rendit i katërti në Evropë dhe i 11-ti në botë. Pasohet nga University College London (UCL), i cili ishte i 22-ti në botë.
Gjermania u përfaqësua gjithashtu në top 10 në Evropë, me Universitetin Teknik të Mynihut dhe LMU Munich të renditur respektivisht në vendin e 26-të dhe të 38-të në botë.
Universitete të tjera evropiane përfshinin Universitetin Kërkimor PSL të Francës dhe KU Leuven të Belgjikës, që të dyja siguruan vende në listën e 50 më të mirave në botë.
