Raheem Sterling është larguar nga skuadra e Anglisë duke braktisur finalet e Kupës së Botës në Katar. Ai është kthyer në Londër pasi mësoi se grabitës të armatosur hynë në shtëpinë e tij, ndërsa brenda ndodhej familja.

Trajneri Gareth Southgate konfirmoi lajmin pas fitores 3-0 të së dielës kundër Senegalit.

“Ndonjëherë futbolli nuk është gjëja më e rëndësishme dhe familja duhet të jetë e para”, tha Southgate. Mësohet se ngjarja ka ndodhur mbrëmjen e së shtunës. Sterling ka tre fëmijë të vegjël.

Sipas një zëdhënësi të lojtarit, Sterling u “dridh” nga lajmi dhe “sapo u lajmërua ai donte të kthehej në shtëpi, i shqetësuar për mirëqenien e fëmijëve të tij”.

Duke folur pas ndeshjes së Senegalit, bashkëlojtari i Sterling, Declan Rice, tha: "E pashë atë në mëngjes dhe mësuam se çfarë i kishte ndodhur."

Ndeshja e radhës e Anglisë në Kupën e Botës është kundër Francës në çerekfinalet e së shtunës.

Sterling është lojtari i dytë që largohet nga skuadra e Anglisë pas mbrojtësit të Arsenalit, Ben White, i cili u kthye në Britaninë e Madhe më 30 nëntor për arsye personale.

Dy vjet më parë, tre hajdutë në veriperëndim të Anglisë, duke përfshirë një tentativë për të hyrë në shtëpinë e atëhershme të Sterling në Cheshire, u burgosën.

Sulmuesi i Chelseat, 27 vjeç, shënoi në fitoren 6-2 të Anglisë ndaj Iranit në ndeshjen e parë të grupit.