Sociale

5 shtëpi u shkrumbuan nga zjarri në Burrel, banorja flet mes lotësh: Kam 3 fëmijë të vegjël, s'kam ku t'i strehoj se nuk ka ngelur asgjë

Shkruar nga Liberale

5 shtëpi u shkrumbuan nga zjarri në Burrel, banorja flet mes

Pesë banesa u shkrumbuan mbrëmjen e djeshme nga një zjarr i madh që u përhap me shpejtësi, pasi shtëpitë ndodheshin fare pranë me njëra-tjetrën.

Një nga banoret ka rrëfyer mes lotësh, se lajmin e ka marrë vesh nga fqinja e saj, pasi ka qenë në punë. Ajo është shprehur se kjo situatë e ka vendosur shumë në vështirësi, pasi ka 3 fëmijë të vegjël dhe tashmë nuk kanë një çati mbi kokë. 

“Nga ora 07:20 kam dalë dhe kam ikur tek puna, tek rrobaqepësja. Kam lënë 3 fëmijët brenda. Pasi kanë mbaruar shkollën, fëmijët kanë shkuar direkt tek tezja e tyre, motra ime. Vetëm kur më ka marrë komshija në telefon dhe më ka thënë që të “është djegur shtëpia”. Kur kam ardhur, kam parë vetëm flakët, asgjë tjetër. Ka qenë ora 6 e gjysëm- 7.

Fëmijët kanë qenë tek tezja e tyre. Nuk e di fare se nga ka ardhur zjarri, vetëm thjeshtë më kanë thanë që më është djegur shtëpia. Mbrëmë kemi qëndruar tek motra ime. Kërkoj të strehoj fëmijët në ndonjë shtëpi. Shumë të vështirë e kam jetesën tani me 3 kalamaj të vegjël”, shprehet banorja.

Sipas banorëve këto banesa private, kanë qenë të gjitha pranë njëra-tjetrës me çati të përbashkët.

Liberale Newsroom

Poll
SHQIPENGLISH