Tre persona kanë rënë në prangat e policisë mëngjesin e sotëm, pasi akuzohen për plagosën një 41-vjeçar.

Burime zyrtare nga policia bënë me dije se pas hekurave ranë shtetasit me inicialet B. L., 31 vjeç, I. M., 20 vjeç dhe R. K., 34 vjeç, të tre banues në Tiranë, për veprën penale “Plagosja e rëndë me dashje”, kryer në bashkëpunim.

Ngjarja raportohet se ka ndodhur në rrugën “Ramazan Gaxherri” të kryeqytetit, ku 3 të arrestuarit pas një konflikti për motive të dobëta, kanë goditur me mjet prerës shtetasin F. B., 41 vjeç. I plagosuri ndodhet në spital, në kujdesin e mjekëve, teksa policia ka nisur hetimet për zbardhjen e plotë të ngjarjes.

Njoftimi i policisë:

Specialistët për Hetimin e Krimeve të Komisariatit të Policisë Nr. 4 arrestuan shtetasit:

B. L., 31 vjeç, I. M., 20 vjeç dhe R. K., 34 vjeç, të tre banues në Tiranë, për veprën penale “Plagosja e rëndë me dashje”, kryer në bashkëpunim, parashikuar nga neni 88/25 i Kodit Penal. Në rrugën “Ramazan Gaxherri”, 3 të arrestuarit, në bashkëpunim me njëri-tjetrin, dyshohet se pas një konflikti për motive të dobëta, kanë goditur me mjet prerës shtetasin F. B., 41 vjeç, banues në Tiranë, i cili ndodhet në spital, në kujdesin e mjekëve.