Gjykata e Posaçme shpalli sot vendimin për inceneratorin e Tiranës dhe dënon me 3 vite burgim ish-ministrin e Mjedisit Lefter Koka.
Vendimi u shpall sot nga trupa gjykuese, teksa ish-zyrtari i lartë ishte hetuar, arrestuar, gjykuar dhe dënuar edhe për rastet e inceneratorëve të Elbasanit dhe Fierit.
Gjykata e Posaçme ka vendosur 3 vite burg për Lefter Kokën, që ulet në 2 vite për shkak të gjykimit të shkurtuar.
Dënimi ndaj Kokës për këtë çështje shuhet pasi është shlyer prej periudhës së qëndrimit në paraburgim. Por ish-ministri i Mjedisit nuk përfiton lirinë pasi ndaj tij rëndojnë akuzat edhe dosjet e tjera të inceneratorëve.
Vendimi i GJKKO
Lefter Koka – 2 vjet burg
Bledar Karoli – Dënohet përfundimisht me 2 vjet
Erjon Murataj – 2 vite burgim
Taulant Tusha – 2 vite burgim
Namik Simixhiu – 2 vjet burgim. I hiqet e drejta për të ushtruar funksione publike 5 vjet
Valbona Ballgjini – 2 vite burgim (Pezullohet dënimi dhe vihet në shërbim prove)
Jetmir Llapaj – Pafajësi
