Një 71 vjeçar nga fshati Kamenicë i komunës Mollaj në Korçë, është gjetur i pajetë pasditen e djeshme në një gropë me baltë.
Luan Gurishta kërkohej prej tre ditësh nga familjarët, të cilët kishin kërkuar dhe ndihmën e mediave për gjetjen e tij.
Ndërkaq, Policia që ishte njoftuar për largimin pa adresë të 71 vjeçarit, por mësohet se për shkak të angazhimit për zgjedhjet parlamentare vetëm dje ka nisur kërkimet në zonën e Kamenicës.
71-vjeçari Gurishta është gjetur i zhytur në një gropë me baltë pa shenja jete, pranë një fidanishteje ku dikur kishte shërbyer si roje.
