“Shkodra Elektronike” me këngën “Zjerm” ka shkëlqyer mbrëmjen e djeshme duke kaluar në finale e Eurovision 2025.
Në momentin kur prezantuesit e festivalit thirrën emirn e Shqipërisë, këngëtarja Beatriçe u shfaq tejet e lumtur, teksa para kamerës bëri shqiponjën dykrenare me duar.
Por duket se kjo lëvizje e saj, nuk i ka shpëtuar mediave serbe, të cilët kanë reaguar menjëherë duke e quajtur një provokim nga ana e saj. Sipas mediave serbe, nxjerrja në pah të simboleve që kanë ndonjë konotacion provokues, është e ndaluar në Eurovision.
“Kjo do t’u kushtojë një vend, nuk kishte nevojë të provokoheshin serbët”, “Ja, ju i lavdëroni, dhe ata qeshin me ju”,
“Në fund të fundit, si mund ta mbështesë ndonjëri prej nesh Shqipërinë nga zemra?! E di që shumë trashëgojnë budallallëk, por kjo është shumë”, ishin disa prej komenteve të serbëve.
