Presidenti i Ukrainës, Volodymyr Zelensky mbërriti sot në Ankara, ku do të takohet me presidentin turk Rexhep Tajip Erdogan dhe më pas do të vendosë për hapat e mëtejshëm në bisedimet e paqes me Rusinë.
“Mbërritëm”, tha një zyrtar i lartë ukrainas për AFP-në. Moska thotë se delegacionet nga Rusia dhe Ukraina janë planifikuar të takohen në Stamboll më vonë të enjten për bisedimet e para të drejtpërdrejta për paqe në më shumë se tre vjet.
Presidenti rus Vladimir Putin nuk është midis emrave të listuar nga Kremlini, si kandidatë që do të marrin pjesë në bisedimet e paqes mbi luftën në Ukrainë në Stamboll të enjten, pavarësisht thirrjeve nga presidenti i Ukrainës, Volodymyr Zelensky, që ai të marrë pjesë.
Delegacioni rus për bisedimet e sotme nuk përfshin asnjë ministër rus. Ai do të kryesohet nga këshilltari presidencial Vladimir Medinsky: një ish-ministër kulture dhe tani kryetar i Unionit të Shkrimtarëve Ruse.
Ukrainian President Volodymr Zelenskyy arrives in Ankara to meet Turkish President Recep Tayyip Erdogan pic.twitter.com/Y8P7YXmRSm
— TRT World (@trtworld) May 15, 2025
