Një 27-vjeçar rezulton i zhdukur që prej pasdites së dielë, por teksa është nisur babai në kërkim të tij, ka humbur edhe ai gjurmët.
27-vjeçari rezulton i zhdukur në një kohë kur vendi u përfshi nga reshje të pazakonta bore.
Ajet Lleshi nga fshati Kishaj i Hasit ishte nisur drejt malit të Pashtrikut për të prerë dru
në pyll që prej mëngjesit të djeshëm, por rreth orës 17:00 familjarët e tij denoncuan se kishin humbur kontaktet me të.
Në këto kushte, babai i të riut bashkë me tre xhaxhallarët e tij kanë dalë në mal për ta kërkuar, por janë ndarë në drejtime të ndryshme dhe që prej orës 2 të mëngjesit familja ka humbur kontaktet edhe me babain e 27-vjeçarit.
Menjëherë pas njoftimit, shërbimet e Policisë kanë nisur kërkimet në zonë, në bashkëpunim me Emergjencat Civile dhe banorë të fshatit. Në ndihmë të tyre për kërkime ka ardhur edhe një helikopteri i Forcave të Armatosura.
Kërkimet deri tani nuk kanë dhënë asnjë rezultat.
