Gazetarja e kronikës, Dorjana Bezat ka humbur bashkëshortin e saj, Anis Fama, i cili është ndarë parakohe nga jeta për shkak të një sëmundje të rëndë që po përjetonte së fundmi. 

Ka qenë vetë gazetarja e cila ka ndarë lajmin e trishtë përmes një postimi në rrjetet sociale, ku shkruan se ai luftoi për jetën me forcë dhe besim, por nuk e fitoi dot betejën me sëmundjen e pashërueshme.

Ata janë prindër të një djali, ndërsa Bezat shkruan në postimin e saj se do ta kenë përjetësisht në zemër dhe se ai do të jetojë në kujtimet e tyre si një baba që fali dashuri të pakufijshme.

Postimi i plotë i Dorjana Bezat: 

Me hidhërim të thellë, njoftojmë humbjen e parakohshme nga jeta të të shtrenjtit tonë, Anis Fama.

Ai luftoi për jetën me forcë dhe besim, por nuk e fitoi dot betejën me sëmundjen e pashërueshme. Unë dhe Adeo do ta kemi përjetësisht në zemër, dhe ai do të jetojë në kujtimet tona si bashkëudhëtari im i 15 viteve dhe si një baba që fali dashuri të pakufijshme.

Allahu e mëshiroftë dhe i faltë xhenetin

Sipas amanetit të tij, Anisi ynë do të prehet në qytetin e lindjes, në Korçë. Lamtumira do t’i jepet te shtëpia funerale “Imperial”. Varrimi të dielë ora 11.00