Këshilltari politik në Ambasadën e Francës, Renaud Dorlhiac, ka marrë pjesë në ekspozitën me fotografi “Shqiptarë të panjohur” të Ben Blushit.

Renaud Dorlhiac, njëkohësisht studiues i fotografisë shqiptare, ka ndarë përshtypjet e tij mbi ekspozitën “Shqiptarë të panjohur”, duke u shprehur se ka zbuluar një fotograf të jashtëzakonshëm.

Referuar Ben Blushit, studiuesi shprehet se “e di që s’është profesionist, por ka një shikim profesionisti”, duke i ftuar të gjithë për të parë ekspozitën.

“Erdha këtu për një takim thjesht pa njohur asgjë për ekspozitën por kam zbuluar, për mua, vërtet një fotograf të jashtëzakonshëm.

E di që s’është profesionist, por ka një shikim profesionisti. Shumë faleminderit dhe ejani të gjithë për të parë e zbuluar këtë gjë”, u shpreh këshilltari politik në Ambasadën e Francës.

Ndërkohë Ben Blushi ka publikuar disa imazhe nga hapja ekspozitës së tij “Shqiptarë të panjohur”, ku ishte i pranishëm edhe kryeministri Edi Rama.

Ben Blushi shkruan se ekspozita përmban 42 fotografi dhe do qëndrojë e hapur deri në datën 30 prill në COD

“SHQIPTARË TË PANJOHUR Këto janë disa fotografi nga hapja e ekspozites time Shqiptarë të Panjohur që u çel në Tiranë dy netë më parë.

Ekspozita përmban 42 fotografi dhe do qëndrojë e hapur deri në datën 30 prill në COD, Tirana”, shkroi ai.

Ekspozita është e hapur në COD në oraret:

E hënë – e premte: 09:30 – 20:00