Nga Julia Mezini
Kush më mirë se një i ri mund ta mësojë bashkëmoshatarin e tij? Në fund të fundit ata flasin të njëjtën gjuhë.
“Të zgjerosh rrethin e diturisë së të rinjve, nëpërmjet të rinjve”, ky ishte boshti i aktiviteteve të realizuara nga “Qendra për Komunikim e Praktikave të Përgjegjshme”, e cila implementon projektin e titulluar “Evropa për Rininë Shqiptare / Europe for Albanian Youth (EU4AL)”, financuar nga Bashkimi Evropian.
Të rinjtë pjesëmarrës në Kampin Veror Rinor EU4AL, ndanë përvojën e tyre me bashkëmoshatarë në shkolla të tjera të mesme nëpër Shqipëri, duke udhëtuar në Krujë, Fushë-Krujë, Fier e Ballsh.
Të rinjtë treguan në sesione informuese eksperiencen në Kampin Rinor Veror, që u realizua në Qafë-Shtamë, në muajin Gusht 2020, si dhe problemet e identifikuara, së bashku me rekomandimet e dhëna për të përmirësuar rolin e të rinjve në procesin e integrimit në BE.
Edukimi formal dhe qasja e tanishme ndaj gjithëpërfshirjes së të rinjve në dialogun social, për çështjet e BE-së, duhet të përmirësohen duke synuar të kuptojnë më mirë proceset, termat, praktikat e integrimit në BE, të cilat mund të bëjnë të mundur gjithëpërfshirjen e të rinjve, në veprime konkrete, për të vepruar dhe kontribuar aktivisht si qytetarë të BE-së.
Këto aktivitete u zhvilluan në fund të muajit Tetor 2020, me përfaqësues nga organizata implementuese dhe të rinj aktivistë, pjesëmarrës të mëparshëm në aktivitetet e projektit, të cilët, në rolin e edukatorëve bashkëmoshatarë, ndanë përvojën e tyre me të tjerë bashkëmoshatarë, në shkollat e vizituara (shkolla të mësme, ndër to edhe shkolla me profil artistik). Qëllimi i këtyre takimeve ishte:
1- Identifikimin e vlerave të BE-së dhe Qytetarisë Aktive
2- Shqipëria, të rinjtë shqiptarë dhe roli i zërit të tyre, në integrimin e Shqipërisë në BE
3- Lidershipi i të rinjve, mundësitë për zhvillim dhe rritje, në kontekstin e BE-së
4- Inkurajimi i shkëmbimeve rinore dhe të mësuarit nga bashkëmoshatarët midis grupeve rinore shqiptare, rajonale dhe evropiane, si një mënyrë për nxitjen e brendësimit të vlerave dhe kulturës evropiane, angazhimit vullnetar, të mësuarit në lëvizje, solidariteti dhe mirëkuptimi ndërkulturor.
5- Impakti shumë pozitiv i teknikave të të mësuarit në aktivitete nëpërmjet edukimit joformal (lojërat dhe aktivitetet indoor dhe outdoor, që krijojnë dinamikën e grupit, ndërveprimin social, bashkëpunimin, mirëkuptimin ndërkulturor, janë mënyra të mësuari aktiv, frytdhënëse dhe dinamike). Edhe pse dita e punës ishte e gjatë dhe me program shumë intensiv, ajo u përjetua si eksperiencë, mbi të gjitha argëtuese, nga e cila mësuan, përveçse njohuri të reja shumë të vlefshme, ashtu edhe një rrjet shumë cilësor bashkëmoshatarësh)
6- ¬¬Si mund të përcillen mesazhe sociale, të ngrihen kauza të tëra sociale, nëpërmjet arteve, duke risjellë shembullin e BANKSY-t, artistit britanik anonim, por shumë frymëzues dhe mbi të gjitha një model i arrirë, përsa i përket impaktit të adresimit të problematikave, në temat që trajton, në veprat e tij.
7- Prezantimi i platformës së krijuar nga vetë të rinjtë gjatë kampit “Qendra Shqiptare e Njohurive për Politikat Rinore” dhe ftesa për bashkëpunim vullnetar me të rinj të tjerë, për ta bërë këtë qendër dhe grupim rinor, të funksionojë në afatgjatë.
[gallery columns="1" size="full" gss="1" ids="1167892,1167891,1167890,1167889,1167888,1167887,1167886"]
