Qindra njerëz kanë postuar në aplikacionin Telegram, duke kërkuar që të shpëtohen nga përmbytjet e rënda në Kherson.

"Më ndihmo të lutem!" shkruan Svitlana, e cila thotë se ka 35 persona të bllokuar në një adresë në anën e okupuar nga Rusia të lumit Dnipro.

"Ata janë të gjithë në një çati aty pranë - fëmijët po bërtasin dhe qajnë," lutet ajo. "Tri ditë pa ushqim dhe ujë. Po vdesim ngadalë. Ju lutem, ju lutem."

Shumica e thirrjeve për ndihmë vijnë nga njerëzit në bregun e majtë, i cili është nën kontrollin rus.

Në një listë lokale, të publikuar sot dhe parë nga BBC, janë emrat e 150 personave që raportohet se janë të zhdukur.

Aliona poston: "Është një gjyshe e lindur në 1939 dhe një grua me aftësi të kufizuara e lindur në 1958. Ato duhet të evakuohen. Ndihmë!"

Zyrtarët në Kherson kanë këshilluar vullnetarët e shpëtimit të ndalojnë, pasi qyteti u vu nën granatime të rënda dje.

Në mediat sociale, dhjetëra njerëz në të gjithë Ukrainën janë përgjigjur me adresat e tyre dhe një ofertë për të ofruar strehim pas shpëtimit të tyre.

13 të vdekur të raportuar

Pesë persona të tjerë janë raportuar të vdekur në Kherson jugor si pasojë e përmbytjeve pas shkatërrimit të digës Kakhovka, thotë një zyrtar i instaluar nga Rusia.

Kjo e çon numrin e të vdekurve në tetë gjithsej në zonën e kontrolluar nga Rusia, në jug të lumit Dnipro, shkruan Vladimir Saldo në Telegram. "Fatkeqësisht, ka viktima... Numri i tyre është rritur në tetë persona”, thotë ai.

Po ashtu, pesë vdekje janë raportuar gjithashtu në zonën e kontrolluar të Ukrainës, në veri të lumit Dnipro.

Kjo do të thotë se gjithsej, 13 persona janë raportuar vdekur, megjithëse organizatat humanitare kanë paralajmëruar se numri i të vdekurve ka të ngjarë të jetë./Liberale.al