Tregu i fruta-perimeve në rrugën “Xhanfize Keko” është përfshirë në flakë sot në mëngjes.
Policia njofton se tregu është shkrumbuar plotësisht, ndërsa fatmirësisht nuk ka persona të lënduar.
“Më datë 28.05.2022, në orët e para të mëngjesit, në rrugën “Xhanfize Keko”, te tregu i fruta-perimeve ka rënë zjarr”, njofton policia.
Sipas saj, grupi hetimor po punon për sqarimin e rrethanave të ngjarjes.
