Duke folur për prindërimin gjatë një auditori të përgjithshëm në Vatikan të mërkurën, Papa Françesku u ankua për rënien globale të nivelit të lindjeve – atë që ai e përshkroi si një “dimër demografik” – dhe ishte kritik ndaj çifteve që preferojnë të kenë kafshë shtëpiake sesa fëmijë.
Njerëzit që kanë kafshë shtëpiake në vend të fëmijëve, tha Papa, po tregoheshin egoistë, duke shfaqur një "mohim të atësisë ose amësisë" që "na pakëson, na heq njerëzimin".
"Po, qentë dhe macet zënë vendin e fëmijëve," tha Françesku, duke paraqitur pasojat e rënda të një të ardhmeje pa fëmijë, duke përfshirë tharjen e pashmangshme të planeve të pensioneve. “Po, është qesharake, e kuptoj, por është realiteti”.
