Një ngjarje e rëndë ka ndodhur në një shkollë në Finlandë, ku tre nxënës u plagosën në një sulm me thikë në një shkollë në jug të vendit.
Sipas autoriteteve, ka qenë një nxënës i shkollës i cili ka sulmuar me mjet prerës shokët e tij. Pas sulmit i mituri është vënë në pranga nga policia, ndërkohë që të plagosurit janë jashtë rrezikut për jetën.
Policia njoftoi se po hetonte disa materiale të shkruara që dyshohet të kenë qenë të publikuara nga autori para incidentit, por nuk dhanë detaje të tjera mbi përmbajtjen e tyre.
