Shefi i çështjeve humanitare të OKB-së, Tom Fletcher, ka lëshuar një paralajmërim tronditës mbi krizën e thelluar në Rripin e Gazës, duke deklaruar se situata është në prag të një katastrofe të pakthyeshme humanitare.Vetëm pesë kamionë me ndihma arritën në Gaza të hënën, por Fletcher thekson se ky numër është thjesht “një pikë uji në oqean”, përballë nevojës ekstreme që përfshin miliona njerëz, përfshirë mijëra fëmijë që po përballen me urinë.Sipas tij, edhe pse ndihmat kanë hyrë përtej kufirit, ato nuk kanë arritur ende në komunitetet që kanë më shumë nevojë për to. Në kamionë ndodhen furnizime jetike, përfshirë ushqim për fëmijë dhe lëndë ushqyese, të cilat janë të vetmet mjete që mund të shpëtojnë jetë në këto momente kritike.
“Nëse këto ndihma nuk mbërrijnë menjëherë te fëmijët në nevojë, rreth 14,000 foshnje rrezikojnë të vdesin brenda 48 orëve të ardhshme,” paralajmëron Fletcher.
Kjo thirrje alarmi vjen ndërkohë që bota vazhdon të debatojë për qasje diplomatike, ndërsa çdo orë që kalon po çon drejt një tragjedie të madhe njerëzore.
