Aktualitet

Nga largimet e 3 këngëtarëve deri tek Elsa Lila e shpallur fituese e Festivalit ende pa nisur gara, Bojken Lako: Ja si qëndron e vërteta!

Shkruar nga Liberale

Festivali i Këngës në RTSh, dikur eventi më i ndjekur kulturor në vend, vijon traditën e tij edhe pse i ka humbur disi shkëlqimi. Festivali po afron, ndaj dhe kureshtja publike shtohet gjithmonë e më shumë. Bojken Lako, Gridi Kraja e Krisa Çaushi ndan tek e "E diela jonë" me Ermal Peçin punën që vijon bëhet për 4 netët e festivalit.

Ka vite që fituesi del para se të përfundojë gara çka ia ka zbehur vlerat dhe rëndësinë që ka gara e aktivitetit më të rëndësiahëm kulturor.

Mes shumë surprizave ata premtojnë një Festival me këngë që do të mbesin në shijen e publikut por edhe elemente televizive që do të e bëjnë fund dhjetorin akoma më të dashur.

Shumë u përfol online për tërheqjen nga gara të Kejsi Tolës, Samanta Karavellës e Sardi Strugës. A ka një rregullore që ndalon performancat siç u shpreh Samanta Karavella?

Ja si përgjigjet drejtori artistik i festivalit, Bojken Lako:

"Tërheqja e artistëve është diçka personale. Rregullorja vjet ka qenë edhe më strikte. Ndryshe nga vitet e tjera, këtë vit kemi lejuar deri në 2 performues në skenë. Arsyet e tjera janë krejt personale. Këtë vit do të kemi 6 çmime. Nuk i japim rëndësi show-t, por muzikës dhe orkestrës.Duam t'i japim rëndësi tekstit dhe muzikës."

Në ketë situatë lajmesh e zhurmash online, Ermali pyeti edhe për lakimin e Elsa Lilës si fituesen e Festivalit.

Bojken Lako: "Juria ka 11 anëtarë. Si mundet që të bien dakord të gjithë anëtarët e jurisë paraprakisht për fituesin? Ato që përfliten janë thjesht lajme për portale që të klikohen."

 

Liberale Newsroom

Poll
SHQIPENGLISH