Katy Perry arriti të bëhej ylli më i komentuar i Met Gala 2025, edhe pse fizikisht nuk mori pjesë në tapetin e kuq të eventit më të famshëm të modës.
Në rrjetet sociale ka shpërthyer një valë imazhesh të krijuara nga inteligjenca artificiale, që e tregojnë këngëtaren me një fustan dramatik latex të zi, të ngjitur pas trupit, dhe një pjesë sipërme në formë xhakete. Por ka vetëm një detaj: kjo Katy është… AI.
Për shumë përdorues, ky “look” ishte më “Met Gala” se shumë prej atyre që ishin realisht aty. Disa e quajtën “veshja e mbrëmjes”, të tjerë e shpallën “mbretëreshë të tapetit të kuq”, duke e vendosur mbi emra si Kim Kardashian dhe Rihanna.
Ironikisht, Perry nuk mori asnjë kritikë këtë herë, ndryshe nga hera e fundit kur fluturimi i saj në hapësirë shkaktoi më shumë meme sesa lavdërime.
Në fund të ditës, duket se Inteligjenca Artificiale mund të mos ketë ndjenja, por ka shije të mirë për modën!
