Viti 2024, pas trazirave në marrëdhënien e Princ Lekës me aktoren Elia Zaharia, ka nisur me divorce të reja në botën e personazheve të showbizz. Xhensila Myrtezaj dhe Bes Kallaku duket se janë në pritje të zyrtarizimit të divorcit mes tyre.

Një ‘Unfollow’ nuk është mjaftueshëm për të thënë se martesa e tyre po shkonte drejt divorcit, por të dy janë vënë re se kanë mjaft kohë pa postuar foto nga momentet që kalojnë ose udhëtime me njëri-tjetrin dhe kjo gjë shton akoma dyshimet.

Madje, duket se pas një kërkimi në Liberale, prej dy viteve Xhensila nuk ka asnjë foto me Besin në Insagram. Foto të cilat janë fshirë.  

Pse u zhduk Bes Kallaku?

Kjo është një ndër dhjetarë e qindra imazhet nga ana e këngëtares, e realizuar rreth dy vite më parë në Paris, pas së cilës Xhensila shfaqet ose e vetme, ose duke peformuar, ose me vajzën e saj.

Para pak kohësh është aluduar për krisje të marrëdhënieve, madje u tha se Xhensila ishte larguar nga shtëpia, por ishte Besi ai që i mohoi.

Por pas ardhjes në jetë të fëmijës së tyre, duket se marrëdhënia mes tyre ka përfunduar.   

Së fundmi këngëtarja publikoi këngën e saj të re, e cila është një baladë dashurie dhe titullohet “Zemër e helmuar”.

Publikimi i saj i fundit daton pas festave të fundvitit, ndërkohë që çifti pas shumë zërave që flasin për divorcin mes tyre, ende nuk ka reaguar.