Qyteti i Los Anxhelosit ku ndodhet Hollivudi shpalli gjendjen e jashtëzakonshme ndërsa zjarrfikësit po përleshen me flakët që po djegin disa qindra hektarë sipërfaqe në pjesë të ndryshme të qytetit dhe zonave përreth.

Një pjesë e rezidencave të vipave janë përfshirë nga flakët.

Zona është e mbushur me shtëpi që u përkasin të famshmëve, duke përfshirë Tom Hanks dhe Rita Wilson, Ben Affleck, Jennifer Aniston dhe Bradley Cooper.

Mes rezidencave luksoze duket se është edhe ajo e modeles shqiptare Angela Martini. Modelja postonte gjithmonë foto nga koha që kalonte në shtëpinë në fjalë së bashku me bashkëshortin dhe djalin e tyre. 

Mbrëmë Angela ka postuar nga situata alarmante, ndërsa shkruan se ishte duke u evakuuar. Në një postim tjetër ajo ngre shqetësimin mos ndoshta Amerika është nën sulm, pasi ka dëgjuar raportime të zjarreve të qëllimshme në vende të ndryshme.

Los Angeles është ndër qytetet më të dendura të populluara në Shtetet e Bashkuara, dhe struktura e tij po shton humbjet e pronës. Qyteti dhe qytetet përreth kanë gjithashtu disa nga pasuritë e paluajtshme më të shtrenjta në vend.

Kujtojmë se shtëpitë e shumë yjeve janë shkatërruar, duke përfshirë Billy Crystal, Paris Hilton, Mandy Moore, Eugene Levy, Anna Faris, Cary Elwes, Spencer Pratt dhe Heidi Montag, James Woods, Diane Warren , Cameron Mathison, Ricki Lake, Leighton Meester dhe Adam Brody.