Jennifer Lopez e ka bërë të qartë se nuk ka plane të martohet përsëri, pas katër martesave të mëparshme.
Kjo pasi gjatë turneut të saj evropian “Up All Night” këngëtarja u shfaq duke iu përgjigjur një pankarte ku shkruhej: “J Lo, martohu me mua”.
Përgjigja e saj ishte e qartë: “Mendoj se kam mbaruar me këtë“, i tha ajo audiencës në koncertin e saj në Bilbao të Spanjës, duke shtuar: “E kam provuar disa herë“.
Ylli u muzikës u martua për herë të parë me aktorin Ojani Noah në vitin 1997, por çifti u divorcua në vitin 1998. Më pas ajo u martua me Chris Judd në vitin 2001, martesë e cila përfundoi në vitin 2003. Lopez u martua me këngëtarin tjetër Marc Anthony në vitin 2004 dhe divorci i tyre u finalizua në vitin 2014.
Së bashku, ata patën fëmijë binjakë, Emme dhe Max. E nominuara dy herë për çmimin Grammy filloi të dilte me ish-lojtarin e New York Yankees, Alex Rodriguez, në vitin 2017, me të cilin ishte e fejuar nga viti 2019 deri në vitin 2021.
Në vitin 2021, këngëtarja e ringjalli marrëdhënien e saj me Ben Affleck, me të cilin ishte e fejuar nga nëntori 2002 deri në janar 2004. Ata u martuan në vitin 2022 në Las Vegas dhe më vonë festuan martesën e tyre në një ceremoni më private në Georgia. Lopez kërkoi divorc dy vjet më vonë dhe divorci i tyre u finalizua në janar.
