Artistë, sportistë dhe njerëz të botës së artit dhe mediave, kanë dalë hapur në mbështetje të kryebashkiakut të Tiranës, Erion Veliaj.
Ata besojnë se arrestimi i tij është i padrejtë ndaj edhe i kanë dhënë kurajo.
Spikasin këngëtarë si Jonida Maliqi, Noizy, Anxhela Peristeri, Afërdita Dreshaj, sportistë si Luiza Gega dhe deri tek gazetarë si Fjodora Fjora e “show-girl” Çiljeta Xhilaga.
Kjo e fundit kujtojmë se ka qenë dikur një përkrahëse e ish-kryeministrit, Sali Berisha.
Por paralelisht po zhvillohet një "luftë" mes tyre në rrjetet sociale me komentues që besojnë se arrestimi i Veliajt ishte i drejtë.
Artistëve u janë kthyer me ofendime nga më të rëndat një pjesë e reaguesve në rrjetet sociale, që duket se disa prej tyre kanë edhe profile anonime.
Kujtojmë se Erion Veliaj u arrestua në zyrë dy ditë më parë me urdhër të SPAK, ndërkohë që kryebashkiaku e konsideron arrestimin të orkestruar për ta eliminuar “politikisht”.
