Plisi i famshëm shqiptar me fillimin e vitit 2024 ka përfunduar edhe në duart e Papa Franceskut. Kryeministri Edi Rama ka publikuar një foto të tij teksa mban në dorë një qeleshe me shqiponjën dykrenarë.
Nuk dihet ende se kush është autori i fotos apo edhe rrethanat që Papës i ra në dorë plisi shqiptar.
Fakti që ajo është postuar nga kreu i qeverisë nuk mund të vërë në dyshim vërtetësinë e fotos. Simboli i shqiponjës dykrenare është kthyer në 'trend' ditët e fundit, teksa e kemi parë të përdoret nga personazhe me famë nëpër botë.
Papa Francesku bëri në Shqipëri të parën vizitë zyrtare pas marrjes së detyrës në krye të Vatikanit.
