Në kuadër të shpalljes së Tiranës si “Kryeqyteti Mesdhetar i Kulturës dhe Dialogut 2025”, në ambientet e Bibliotekës Kombëtare të Shqipërisë është çelur ekspozita “Kujtesa e Mesdheut”. Ekspozita përmban mbi 700 vepra origjinale nga periudha 1300-1800, përfshirë libra, dorëshkrime, harta dhe gravura të rralla, ndër to edhe në gjuhën osmane, që pasqyrojnë trashëgiminë e pasur mesdhetare.
Në ceremoninë e hapjes morën pjesë përfaqësues të qeverisë, institucioneve kulturore dhe studiues. Ministri i Ekonomisë, Kulturës dhe Inovacionit, Blendi Gonxhja, theksoi rëndësinë e rikthimit të vëmendjes tek libri dhe trashëgimia kulturore, ndërsa drejtori i Bibliotekës, Piro Misha, u shpreh se ekspozita synon të promovojë koleksionet e bibliotekës dhe dialogun ndërkulturor. Ekspozita do të qëndrojë e hapur për një muaj.
/S.B/Liberale.al/
