Presidenti i Francës Emmanuel Macron në vizitën e tij zyrtare do të zhvillojë takime
me drejtuesit më të lartë të shtetit shqiptar, në kuadër të vizitës zyrtare që po zhvillon në vendin tonë.
Në orën 08:25, Emmanuel Macron do të takohet me Presidentin Bajram Begaj, ku do të pritet me ceremoni shtetërore.
Presidenti i Republikës së Francës do të nënshkruajë në librin e të ftuarve. Më pas do të ketë një takim kokë më kokë mes dy Presidentëve.
Pas Begajt, Presidenti Macron do të takohet me Kryeministrin Edi Rama në orën 10:30 në Kryeministri, ku do të nënshkruajnë marrëveshje ekonomike dhe bashkëpunimi mes dy vendeve.
Në orën 11:30 do të zhvillohet konferenca për shtyp.
