Ka ndërruar jetë në spitalin e Milanos punëtori shqiptar, Betim Bilangu, 50 vjeç, pas një aksidenti të rëndë rrugor që ndodhi të martën në autostradën Brebemi, në zonën mes Trecella dhe Albignano.
Bilangu po drejtonte një furgon të tonazhit të rëndë, i cili u përplas me një kamion që po dilte nga një vendparkim. Dhe përplasja ishte e fortë dhe gjendja e tij u vlerësua kritike që në vendngjarje.
Por pavarësisht ndërhyrjes së shpejtë të emergjencës dhe transportimit me helikopter në spitalin Niguarda, ai ndërroi jetë pak pas mbërritjes. Viktima ishte babai i tre fëmijëve.
