Qeveria shqiptare ka vendosur që pronësia e stadiumit “Niko Dovana” në Durrës t’i kalojë Korporatës së Investimeve Shqiptare. Ky vendim është marrë për të mundësuar projektin e rindërtimit dhe modernizimit të stadiumit.
Për këtë arsye, tani fillojnë procedurat për rindërtimin e stadiumit, dhe klubi i Teutës do të duhet të gjejë një vend tjetër për të zhvilluar ndeshjet e sezonit të ri.
Korporata e Investimeve Shqiptare do të jetë përgjegjëse për zhvillimin e këtij projekti dhe do të bashkëpunojë me institucione të tjera si Bashkia Durrës, Federata Shqiptare e Futbollit dhe Ministrinë e Arsimit dhe Sportit.
Gjithashtu, Korporata ka të drejtën të nisë procedurat për të zgjedhur partnerë privatë dhe për të negociuar kontrata për ndërtimin dhe menaxhimin e stadiumit.
Ky vendim hyn në fuqi menjëherë pas publikimit në Fletoren Zyrtare.
