Komisioni Qendror i Zgjedhjeve ka regjistruar Partinë Demokratike të drejtuar nga Enkelejd Alibeaj në zgjedhjet e 14 majit.
Vendimi u mor sot në gjatë mbledhjes së KQZ-së,
“Ky vendim i KAS ngelet thjesht dhe vetëm teknikisht për t'u zbatuar nga komisioneri Shtetëror. Është akti i një organi të parashikuar nga ligji për të vendosur për çështje të tilla. Për sa kohë ky organ ka vendosur regjistrimin si subjekt zgjedhor të PD-së, ngelet vetëm zbatimi i këtij vendimi. Vendos regjistrimin e PD-së me nënkryetar Enkelejd Alibeaj, në cilësinë e kryetarit të komanduar të PD-së për zgjedhjet e 14 majit”, tha Celibashi, pas vendimit Komisionit të Ankimimeve dhe Sanksioneve. që vendosi regjistrimin e Partisë Demokratike në zgjedhje, me kryetar të komanduar Enkelejd Alibeajn.
Kujtojmë se, ditën e djeshme Alibeaj dorëzoi në Komisionin Qendror të Zgjedhjeve deklaratën solemne, të firmosur prej tij dhe përfaqësuesit ligjor Indrit Sefa.
