Aktualitet
Kim: Do punojmë me Shqipërinë, s’duhet ta lejojmë Kinën të na sfidojë
Pasi sekretari amerikan i Shtetit Antony Blinken deklaroi të mërkurën se marrëdhëniet mes Shteteve të Bashkuara dhe Kinës janë sprova “më e madhe gjeopolitike” e shekullit, ambasadorja amerikane në Tiranë, Yuri Kim thotë se SHBA-të do të bashkëpunojnë ngushtë me Shqipërinë dhe aleatët për të mbrojtur interesat e përbashkëta.
Nëpërmjet një postimi në Twitter, ambasadorja Kim thotë se Kina nuk duhet lejuar që të sfidojë sistemin e qëndrueshëm ndërkombëtar.
“Nuk duhet ta lejojmë Kinën të sfidojë sistemin e qëndrueshëm dhe të hapur ndërkombëtar – rregullat, vlerat dhe marrëdhëniet që e bëjnë këtë botë të punojmë ashtu siç dëshirojmë. SHBA do të punojë me Shqipërinë dhe aleatë të tjerë e partnerë për vlerat, interesat tona dhe të ardhmen tonë”, shkruan Yuri Kim.
KOMENTO (0)
