Aleksandër Sadikaj është 27 vjeçari, i cili është ndarë nga jeta në spital pas shpërthimit të "Benz-it" në afërsi të TEG-ut. Sipas policisë, dyshohet se makinës i është vendosur lëndë eksplozive.
“Më datë 11.06.2022, në orën 13:35, në afërsi të TEG-ut, automjeti tip “Benz”, që drejtohej nga shtetasi A. S., 27 vjeç, ka shpërthyer, dyshohet nga lëndë eksplozive. Si pasojë është dëmtuar drejtuesi i mjetit dhe ndodhet në spital nën kujdesin e mjekëve, në gjendje të rëndë shëndetësore”, njoftoi policia më herët, ndërsa thekson se, në vendngjarje ndodhen shërbimet e Policisë dhe ekipi antieksploziv i RENEA-s.
Mësohet se, grupi hetimor po vijon punën për zbardhjen e plotë të rrethanave të ngjarjes, identifikimin dhe kapjen e autorëve.
