Aktualitet

Dokumenti/ Agron Shehaj nxjerr "bllof" MB: Ja sa shitet nafta

Shkruar nga Liberale

Ish-deputeti i Partisë Demokratike, Agron Shehaj në një postim në "Facebook" shkruan se dy ditë më parë ka denoncuar tenderin korruptiv mbi 21 milionë euro për blerjen e karburantit për të gjitha institucionet shtetërore, për tre vitet e ardhshme.

Sipas tij ishte një tender pa garë, me fitues të paracaktuar, me një çmim më të lartë se çmimi i pakicës.

Ndërsa thekson se "dje, Ministria e Brendshme lëshoi një komunikatë qesharake dhe gënjeu duke thënë se çmimi i blerjes nuk është 177,1 lekë për litër, sa denoncova unë, por 170 lekë për litër."

"Po edhe sikur të marrim çmimin e gënjeshtërt të ministrisë, 170 lekë për litër, sot nafta me pakicë shitet me 158-168 lekë për litër (fotot janë bërë sot në mëngjes)", shkruan ai.

Postimi i Agron Shehajt:

Dy ditë më parë denoncova tenderin korruptiv mbi 21 milionë euro për blerjen e karburantit për të gjitha institucionet shtetërore, për tre vitet e ardhshme. Ishte një tender pa garë, me fitues të paracaktuar, me një çmim më të lartë se çmimi i pakicës!

Dje, Ministria e Brendshme lëshoi një komunikatë qesharake (https://drive.google.com/…/1FREVxNIXN0PJ0ihf3ryOIqOFd…/vieë…) dhe gënjeu duke thënë se çmimi i blerjes nuk është 177,1 lekë për litër, sa denoncova unë, por 170 lekë për litër.

Po edhe sikur të marrim çmimin e gënjeshtërt të ministrisë, 170 lekë për litër, sot nafta me pakicë shitet me 158-168 lekë për litër (fotot janë bërë sot në mëngjes).

Vetëm një qeveri e korruptuar dhe e kapur mund të blejë miliona litra karburant me një çmim shumice më të shtrenjtë se çmimi i pakicës i pompave të karburantit.

Vjedhje dhe korrupsion që duhet të hetohet menjëherë. /Gazeta Liberale

Liberale Newsroom

Poll
SHQIPENGLISH