Aktualitet

Çfarë po ndodh? Pas policit, vritet një pjesëtar i grupit të armatosur në veri të Kosovës. KFOR: Gati të përgjigjemi nëse na kërkohet

Shkruar nga Liberale
Çfarë po ndodh? Pas policit, vritet një pjesëtar i grupit

Vritet një nga pjesëtarët e grupit të armatosur që sulmuan policinë në veri të Kosovës

Policia e Kosovës vrau një nga kriminelët e grupit të armatosur i cili përbëhet prej më shumë se 30 personash dhe që janë pozicionuar në veri të vendit.

Grupi kriminal i armatosur rëndë qëndron në manastirin e Banjskës. Ndërsa Policia e Kosovës i mban të rrethuar.

Kriminelët qëllojnë vazhdimisht në drejtim të policisë, ndërsa kjo e fundit u detyrua të kundërpërgjigjej me armë duke ekzekutuar njërin prej tyre.

Lajmin e ka konfirmuar vetë Policia e Kosovës.

Pas tensioneve të ditëve të sotme, misioni i NATO-s në Kosovë, KFOR-i, ka dënuar sulmin ndaj Policisë së Kosovës në veri të vendit, ku mbeti i vrarë një polic.

Në një reagim zyrtar, KFOR thotë se Policia e Kosovës ka tagrin e parë për të reaguar në terren.

Por nëse do të kërkohet ndihma e KFOR, këta të fundit thonë se janë të gatshëm të përgjigjen.

“Misioni i KFOR i udhëhequr nga NATO dënon ashpër sulmin kundër Policisë së Kosovës dhe shpreh ngushëllimet më të thella për familjen dhe të dashurit e të ndjerit.

Komandanti i KFOR qëndron në kontakt të afërt dhe të vazhdueshëm me të gjitha palët e interesuara, përfshirë edhe BE-në, shefin e Forcave të Armatosura Serbe, me institucionet në Kosovë dhe po punon për të gjetur një zgjidhje.

Policia e Kosovës, ka përgjegjësinë e para që të menaxhojë incidentet në terren. KFOR po e monitoron nga afër situatën në Banjska, trupat e KFOR janë në zonë dhe të gatshme të përgjigjen nëse u kërkohet”, thuhet në reagimin e KFOR.

Disa minuta më parë Policia e Kosovës vrau një pjestar të grupit të armatosur që po qëndron në manastirin e Banjskës.

Liberale Newsroom

A ishin zgjedhjet e 11 majit 2025 një farsë elektorale, siç pretendon opozita?

  • Po!
  • Jo!
Powered by the Tomorrow.io Weather API
SHQIPENGLISH