Dy persona u gjetën të vdekur në rajonin e Katalonjës, në Spanjë, ndërsa tentonin të shuajnë një zjarr që kishte shpërthyer për shkak të temperaturave shumë të larta. Autoritetet thanë se trupat e pajetë u gjetën pasi zjarrfikësit arritën të fiknin flakët në zonën Torrefeta, pranë qytetit Kosko.
Ndërkohë, në Francë u regjistruan dy viktima të tjera për shkak të vapës së madhe, ndërsa zjarrfikësit ndihmuan rreth 300 persona të tjerë.
Qershori i kaluar ishte muaji më i nxehtë që prej fillimit të regjistrimit të temperaturave në Spanjë dhe Francë. Shërbimi meteorologjik iberik AEMET njoftoi se temperaturat kishin thyer të gjitha rekordet e mëparshme, që zakonisht regjistroheshin në korrik dhe gusht.
