BE

Dyshohet se njeriu që qëlloi kryeministrin sllovak mund të mos ketë punuar i vetëm

Shkruar nga Liberale

Dyshohet se njeriu që qëlloi kryeministrin sllovak mund të mos

Hetimet për atentatin ndaj kryeministrit Robert Fico, që tronditi Sllovakinë, kanë bërë një hap përpara. Sipas ministrit të Brendshëm personi, emri i të cilit nuk është zyrtarizuar ende, mund të mos ketë punuar i vetëm.

Personi i dyshuar se kreu atentatin ndaj kryeministrit Robert Fico mund të mos ketë punuar i vetëm.

Këtë pretendim ka ngritur ministri i Brendshëm i Sllovakisë, i cili tha se një ekip i posaçëm po heton mundësinë që sulmi i së mërkurës të mos jetë kryer nga një "ujk i vetmuar", siç besohej më parë shpjegon Matus Sutaj Estok.

Dyshohet se njeriu që qëlloi kryeministrin sllovak mund të mos

I akuzuari për vrasjen në tentativë ndaj kryeministrit u la në paraburgim deri në përfundimin e hetimeve.

Ende nuk ka një emër të publikuar zyrtarisht për të, por raportet sllovake e kanë identifikuar gjerësisht si Juraj Cintula 71-vjeçar nga qyteti Levice.

Mediat vendase e kanë cilësuar si një poet që ka qenë i përfshirë në organizata politike me ideologji të ndryshme.

Në një konferencë për shtyp të dielën, ministri i Brendshëm Estok tha se këto dyshime janë bazuar në informacionet e shërbimeve të inteligjencës, duke përfshirë faktin se dy orë pas sulmit dhe pasi i dyshuari ishte arrestuar, historia e tij në “Facebook” ishte fshirë.

Jeta e Fico-s nuk është më në rrezik pas operacionit, por 59-vjeçari ende kërkon kujdes intensiv, tha më herët zëvendësi i tij.

Robert Kalinak shtoi se: “Më e keqja që i trembeshin tani për tani ka kaluar”.

Ai shtoi se Fico do të qëndrojë në Banska Bystrica për momentin.

Kryeministri u qëllua nga një distancë e afërt teksa po përshëndeste mbështetësit pas një takimi të qeverisë në qytetin e vogël Handlova.

Ministri i Brendshëm Matus Sutaj Estok tha se nëse një nga të shtënat do të shkonte disa centimetra më lart, do ti kishte goditur mëlçinë. Sulmi ka tronditur Sllovakinë.

Liberale Newsroom

Poll
SHQIPENGLISH