Një sulm me thikë ndodhi të enjten pasdite në qendër të qytetit Tampere, Finlandë, pranë një qendre tregtare, duke plagosur disa persona. Incidenti u regjistrua rreth orës 16:30.
Ndërsa numri i saktë i të plagosurve dhe gjendja e tyre shëndetësore ende nuk janë konfirmuar, dëshmitarët raportuan për persona të shtrirë në tokë të mbuluar me gjak dhe që po merrnin ndihmë të parë nga kalimtarët.
Policia lokal ka arrestuar një të ri 20-vjeçar, i cili dyshohet si sulmuesi. Autoritetet njoftuan se aktualisht nuk ka më rrezik për publikun dhe po vazhdojnë hetimet për të zbardhur motivet e këtij sulmi.
