Një aksident rrugor ka ndodhur të enjten pasdite në Patra, në shinat hekurudhore, ku një automjet është përplasur me një tren periferik.
Sipas raportimeve, shoferi i makinës mbeti i bllokuar në sedilje pas përplasjes, por fatmirësisht u shpëtua nga forcat zjarrëfikëse që ndërhynë në kohë.
Fatmirësisht nuk ka të raportuar viktima, ndërsa gjendja shëndetësore e drejtuesit të mjetit nuk është bërë ende e ditur.
Banorët e zonës shprehen të shqetësuar, pasi kjo nuk është hera e parë që ndodh një aksident i tillë. Kujtojmë se në prill të këtij viti, një grua mbeti e plagosur në të njëjtin vend, pasi u përplas nga një tren periferik.
Autoritetet po hetojnë shkaqet e aksidentit dhe bëjnë thirrje për më shumë kujdes në kalimet hekurudhore.
