Ish-kryeministri i Kroacisë, Ivo Sanader, është liruar me kusht nga burgu, me vendim të Gjykatës së Qarkut në Sisak, ku sot u zhvillua një seancë gjyqësore për shqyrtimin e kërkesës së tij.
Lajmi është konfirmuar nga vetë gjykata, e cila ka vlerësuar se Sanader i përmbush kriteret ligjore për lirim të parakohshëm, pa vuajtur plotësisht dënimin e tij. Ai po qëndronte në burgun e Lipovicës, ku po vuante dënimin për disa akuza të rënda korrupsioni dhe shpërdorimi detyre, gjatë kohës që mbante postin më të lartë qeveritar në Kroaci.
Sipas informacioneve nga media kroate Jutarnji list, vendimi është marrë pas një seance të këshillit gjyqësor, ku u shqyrtua ecuria e sjelljes së tij në burg, koha e vuajtur dhe rrethanat ligjore që lejojnë një lirim të tillë.
