Pronarë dhe administratorë të mjeteve lundruese dhe detare kanë zhvilluar sot një protestë përpara policisë kufitare në Vlorë. Ata po protestojnë pas bllokimit të mjeteve lundruese pikërisht në kulmin e sezonit turistik.
Sipas tyre mjetet, dhe lundrimi po bllokohen pa arsye për shkak të një aksidenti. Mësohet se, efektivët e policisë kufitare i kanë sqaruar se, do t’i lejojnë mjetet lundruese dhe pas kontrolleve të dokumentacionit mund të dalin në det. Po ashtu u janë bërë të ditura rregullat që duhet të ndjekin dhe që nuk duhet t’i shkelin.
Bllokimi i mjeteve lundruese ka ardhur pas tragjedisë që ndodhi në Himarë, ku Shefi i Policimit në Komunitet në Drejtorinë Vendore të Policisë Elbasan, Arjan Tase përplasi për vdekje 7 vjeçaren Jonada Avdia në plazhin e Potamit në Himarë.
