Marrëdhënia e Will Smith me bashkëshorten e tij, Jada Pinkett Smith, ka qenë mjaft në fokus të shtypit të huaj, kryesisht për faktin se të dy kanë një marrëdhënie të hapur.

Kjo do të thotë se përderisa janë bashkë, ata mund të jenë edhe me të dashuruar të tjerë, një fakt që u diskutua shumë herë në vitin 1997.

Ylli i Hollivudit jo vetëm që ka një marrëdhënie të lirë me Jada Smith, por ndan hapur fantazitë e tij edhe me femra të tjera.

Në një intervistë për revistën GQ, ylli i filmave "The Pursuit of Happyness", "Bad Boys" dhe "Hitch", tha se e imagjinonte veten të përfshirë në romancë me aktoren Halle Berry dhe balerinën Misty Copeland.

“Nuk e di se ku e pashë kur isha adoleshent, por ideja për të udhëtuar me 20 gra që i doja dhe kujdesesha, më dukej shumë e mrekullueshme”, tha ai duke iu referuar mundësisë së takimit me gra të ndryshme, duke përfshirë edhe aktoren e mirënjohur.

"Nuk më bën njeri të keq që jam i martuar dhe mendoj se Halle është e bukur, me edukimin tim të krishterë, madje edhe mendimet ishin mëkate," tha Smith.

Në autobiografinë e Smith, ai i referohet një krize që kaloi me gruan e tij rreth dhjetë vjet më parë. “Martesa jonë nuk funksionoi. Nuk mund të pretendonim më. Ne ishim të dy të pakënaqur dhe padyshim që diçka duhej të ndryshonte,” detajon ai në libër.

Siç thekson ai, ata kanë “punuar” për të komunikuar me njëri-tjetrin dhe lumturia e tyre nuk bazohet tek monogamia. “Përvojat dhe liritë që i kemi dhënë njëri-tjetrit dhe besimi i pakushtëzuar, për mua, është përkufizimi më i lartë i dashurisë”, tha ai për martesën e tyre të hapur.

I nominuari për Oscar zbuloi gjithashtu se ai dhe gruaja e tij, Jayda, kërkuan partnerë të tjerë seksualë për të pasur një marrëdhënie më të hapur martesore. "Unë isha plotësisht i hapur ndaj asaj që, mendoj, ishte një mostër e freskët e fryteve të përvojës njerëzore," tha ai.