SHBA është shtëpia e universiteteve më të mira në botë. Dhe për këtë arsye studentët nuk e kanë të lehtë që të zgjedhun universitetin ku duan të studiojnë. Nga diapazoni i programeve deri te kostot e shkollimit dhe jeta studentore, studentët e ardhshëm duhet të marrin parasysh një sërë faktorësh për të përcaktuar se cili universitet është më e mirë.
Renditja vjetore e shkollave më të larta të Amerikës nga Forbes ofron njohuri të vlefshme duke vlerësuar universitetet në 14 metrikë kyçe, përfshirë borxhin mesatar dhe pagën, për të përcaktuar se cilat kolegje ofrojnë rezultatet më të mira arsimore, financiare dhe të karrierës për të gjithë studentët.
Grafiku tregon 25 kolegjet më të mira amerikane në vitin 2024 nga lista e 100 më të mirëve të Forbes.
Universiteti Princeton me bazë në Nju Xhersi zuri vendin e parë në 2024. Princeton është një universitet i njohur kërkimor privat Ivy League dhe kolegji i katërt më i vjetër në SHBA, i njohur për përsosmërinë e tij akademike në programet universitare.
Princeton plotësonte të 14 metrikat e Forbes. Veçanërisht në vlerësim, universiteti kishte një normë diplomimi 6-vjeçare 97% për studentët me të ardhura të ulëta dhe ofronte ndihmë bujare financiare, duke mbuluar 100% të kostove të shkollimit dhe strehimit për studentët që vijnë nga familje që fitojnë 65,000 dollarë në vit ose më pak.
Alumni të shquar të tij përfshijnë themeluesin e Amazon, Jeff Bezos dhe ekzekutivin e biznesit amerikan dhe ish-CEO të eBay, Meg Whitman.
Universitetet e Kalifornisë shkëlqenin mes shkollave të rangut më të lartë nga vlerësimi i Forbes.
Në përgjithësi, Kalifornia është shtëpia e shumicës së kolegjeve dhe universiteteve në listën e 25 më të mirë të Forbes, përfshirë Universitetin Stanford, Universitetin e Kalifornisë, Berkeley dhe Universitetin e Kalifornisë, Los Anxhelos.
Në vitin 2024, Stanford u rendit i pari globalisht për mësimdhënie dhe i dyti në të gjitha parametrat e tjerë, sipas renditjes së universiteteve botërore të Times Higher Education.
UC Berkeley i renditur në vendin e pestë ishte universiteti publik i pozicionuar më mirë në vitin 2024. Ky universitet nuk njihet vetëm për gamën e gjerë të programeve akademike, duke ofruar mbi 350 diploma, por edhe kurset atletike të saj.
Berkeley ka prodhuar 121 fitues të medaljeve të arta olimpike, si dhe atletë profesionistë të famshëm si qendërmbrojtësi i NFL Aaron Rodgers, kampionja e “All stars” të NBA dhe kampionja e vitit 2024 Jaylen Brown si dhe ish-lojtarja e ekipit kombëtar të futbollit të femrave të SHBA, Alex Morgan.
Forbes mblodhi dhe analizoi të dhëna nga Sistemi i Integruar i të Dhënave të Arsimit Postsekondar dhe Karta e Rezultateve e Kolegjit të Departamentit të Arsimit të SHBA-së, duke marrë në konsideratë një koleksion metrikash për të renditur universitetet.
Metrikat e përdorura dhe pesha e tyre janë:
Paga e të diplomuarve (20%)
Borxhi (15%)
Shkalla e diplomimit (15%)
Lista e liderëve amerikanë të Forbes (15%)
Kthimi nga investimi (15%)
Shkalla e mbajtjes (10%)
Suksesi akademik (10%)
Për listën metrike të liderëve amerikanë, Forbes vlerëson suksesin sipërmarrës të të diplomuarve të një universiteti duke numëruar se sa krijues listash kishte secila shkollë në listat më të fundit të Forbes 30, nën 30 vjeç, “Forbes 400” dhe “Gratë më të pasura” apo edhe “Gratë më të fuqishme”.
Së bashku me to, ata gjithashtu vlerësuan se sa anëtarë në pozita të larta të qeverisjes federale, si dhe fitues të çmimeve prestigjoze dhe çmimeve të rëndësishme si çmimi Nobel dhe Oscar, kishte secili universitet.
