Ishte premtuar që qendrat e pritjes së emigrantëve në portin e Shëngjinit, të ishet gati më 1 gusht, raporton euronews .
Eurodeputetët e lidhur me qeverinë kanë mbrojtur planin për të ndaluar të ardhurit e emigrantëve në Shqipëri dhe jo në Itali, një marrëveshje që OJQ-të e kanë cilësuar si "mizore".
Ndërtimi i dy qendrave të pritjes së emigrantëve italianë në Shqipëri, të cilat fillimisht u vendosën të hapeshin majin e kaluar, është ende duke u zhvilluar, pa një datë të qartë hapjeje në horizont — dhe me kryeministrin Giorgia Meloni që njofton një shtyrje tjetër, qendrat e diskutueshme tani nuk kanë gjasa të hapen më parë se fundi i këtij viti.
Qendrat janë pjesë e një marrëveshjeje pesëvjeçare, sipas së cilës Shqipëria ka rënë dakord të presë objektet e pritjes së emigrantëve të financuara dhe të menaxhuara nga autoritetet italiane.
Eurodeputeti i Forza Italia, Flavio Tosi tha për Euronews se "hapja duhet të bëhet deri në fund të vitit, në përputhje me ndërtimet dhe afatet kohore burokratike". Ndërsa pranohet se kostot fillestare të qendrave janë të konsiderueshme, duke shkuar në disa milionë euro, kostoja reale e migracionit të paligjshëm përfshin masa parandaluese dhe përdorimin e rojes bregdetare”.
“Emigrantët në Itali kushtojnë rreth 1000 euro në muaj, kështu që çmimi që duhet paguar për hapjen e këtyre objekteve është i parëndësishëm në krahasim me koston e përgjithshme për të menaxhuar migracionin në tërësi”, tha ai.
Sipas BBC, kampi që hapet sot ndodhet në portin verior shqiptar të Shëngjinit. Hapja e një qendre të dytë, në një ish-bazë të forcave ajrore në Gjadër aty pranë, është vonuar.
Strukturat do të menaxhohen tërësisht nga qeveria italiane, e cila ka paguar për ndërtimin e tyre.
Ato do të përdoren për emigrantët e kapur në ujërat ndërkombëtare, por jo për gratë, fëmijët ose ata që konsiderohen të pambrojtur.
Pasi të jenë atje, emigrantët do të lejohen të kërkojnë azil në Itali. Nëse refuzohen, ata do të kthehen në vendet që konsiderohen të sigurta për t’u kthyer.
“Në këto qendra do të zbatohet legjislacioni italian dhe europian. Është si të kesh një qendër në Itali, por në Shqipëri”, tha Fabrizio Buçi, ambasadori i Italisë në Shqipëri.
Marrëveshja e nënshkruar nga kryeministrja italiane, Meloni dhe kryeministri Rama do të qëndrojë në fuqi për pesë vjet, me opsionin për t’u zgjatur nëse rezulton e suksesshme në reduktimin e barrës së emigrantëve në Itali dhe për të penguar disa nga përpjekjet për të ardhur.
Mbërritjet në Itali përmes detit këtë vit, rreth 31,000 deri më tani, janë ulur me më shumë se gjysmën nga e njëjta periudhë e vitit 2023.
Giorgia Meloni, kandidoi për postin duke premtuar se do të shtypte fort emigracionin dhe plani i Shqipërisë është bërë një parim kyç i kësaj.
Çmimi i lartë, i vlerësuar në mbi 650 milionë euro, është një nga kritikat e ngritura nga politikanët e opozitës italiane dhe grupet e të drejtave të njeriut.
/Liberale.al/
