Kryebashkiaku i Tiranës Erion Veliaj ka zhvilluar një takim me avokatin e tij, sot një ditë pas arrestimit të tij.
Ky ka qenë takimi i parë për kryebashkikun e Tiranës brenda qelisë, ku dhe i është ckatuar masa e sigurisë “Arrest me burg” nga SPAK.
Mësohet se ditën e nesërme në gjykatën e Posaçme do të mbahet seancë në lidhje me vlerësimin e masës së sigurisë” Arrest me burg”, mase e cila u ekzekutua ditën e djeshme nga oficerët e BKH.
Kryetari i Bashkisë së kryeqytetit Erion Veliaj u arrestua ditën e djeshme në zyrën e tij, me urdhër të SPAK.
Ai u pa teksa u shoqërua nga agjentët e BKH, ndërsa GJKKO vendosi masën e sigurisë "arrest shtëpie" për bashkëshorten e Veliajt, Ajola Xoxa.
Kjo e fundit akuzohet nga SPAK, për korrupsion, fshehje pasurie dhe pastrim parash.
