Politikë

Çfarë PO NDODH? Kryemadhi i kthen përgjigje Metës: Protagonizëm bosh! Filma të vjetër me të njëjtin përfundim, shërbim ndaj Ramës e Veliajt

Shkruar nga Liberale

Çfarë PO NDODH? Kryemadhi i kthen përgjigje Metës:

Pas asaj që paralajmëroi Ilir Meta se Partia e Lirisë do t’i nënshtrohet ndryshimeve duke kritikuar mënyrën e drejtimit nga bashkëshortja e tij, dhe daljes së sotme në konferencë për shtyp, ka reaguar për herë të parë Monika Kryemadhi.   

Deputetja e Partisë së Lirisë, Monika Kryemadhi ka reaguar pas deklaratave të kreut të Partisë së Lirisë, Ilir Meta.

Kryemadhi theksoi se shfokusimi nga çështja e inceneratorëve dhe protagonizmi bosh janë shërbimi më i mirë që mund t’i bëhen Edi Ramës, Erion Veliajt dhe bandës së tyre.

Reagimi i Kryemadhit

Shfokusimi nga INCENERATORËT që unë kam kallëzuar me përgjegjësinë e firmës time dhe protagonizmi BOSH janë sot shërbimi më i mirë që mund ti bësh Edi Ramës, Erion Veliaj & Bandës së tyre.

Denoncimi me fakte, prova dhe firmë konkrete kundër bandës në qeveri dhe bashki; këto janë tema kryesore që mendoj se duhet të udhëheqin aksionin opozitar.

Gjithashtu, unë besoj se shqiptarët presin nga Opozita ide, vizion dhe propozime konkrete, që ngjallin shpresë dhe besim për popullin shqiptar. Se si do të rrisim mirëqenien dhe sigurinë e tyre. Filmat e vjetër me të njejtin përfundim janë pa interes për shumicën e shqiptarëve.

Monika Kryemadhi
Monika Kryemadhi

Liberale Newsroom

Poll
SHQIPENGLISH