Kryeministri Edi Rama po zhvillon ditën e sotme një takim me deputetët e Tiranës dhe drejtuesit e bashkisë, në kuadër të një mbledhjeje të dytë, pas asaj të zhvilluar dhjetë ditë më parë, ku në qendër janë shqetësimet e qytetarëve.
Gjatë kësaj periudhe, deputetët kanë zbritur në terren për t’u njohur nga afër me problematikat që hasin qytetarët dhe sot pritet t’ia raportojnë ato kryeministrit.
Në mbledhje marrin pjesë edhe drejtuesit e qarqeve. Ministri Blendi Gonxhja është parë duke vrapuar pas kryeministrit Edi Rama për t’u paraqitur në takim.
Mësohet se pas këtij takimi, kryeministri Edi Rama do të udhëtojë drejt Gjermanisë për një vizitë zyrtare.
