Zëvendës Kryeministrja dhe njëherazi ministrja e infrastrukturës dhe energjetikës, Belinda Balluku shkoi Fier ku ka ushtruar të drejtën e votës.
Balluku foli për mediat pas votimit duke u bërë thirrje qytetarëve që të mos e çojnë dëm votën e tyre.
“Përshëndetje të gjithëve! Do i bëj thirrje të gjithë shqiptarëve që të përdorin votën e tyre për të votuar sot e të mos e çojnë dëm pasi është një përgjegjësi qytetare e cila duhet ushtruar në një sistem demokratik siç është Shqipëria dhe në të gjithë aspiratën tonë për tu bërë pjesë e Bashkimit Europian”,-tha Balluku.
Balluku u shoqërua në qendrën e votimit nga djali i saj, i cili voton për herë të parë.
