Kristian Marku, i njohur edhe si Kristi Bardhi, u vra më 13 janar 2025 në fshatin Novoselë, në Vlorë. Ai ishte vetëm 30 vjeç dhe kishte një fëmijë të vogël, të cilin nuk pati mundësi ta rrisë.

Kristiani nuk ishte i panjohur për policinë, pasi kishte qenë i përfshirë në një konflikt të gjatë dhe të dhunshëm mes tre fiseve: Reçi, Gjini dhe Bardhi. Ky konflikt kishte nisur në vitin 2017 pas një problemi me trafik droge në Itali, mes Gaspër Reçit dhe Preng Gjinit.

Pas disa ngjarjeve të rënda si vrasja e biznesmenit Kastriot Reçi në janar 2020 dhe më pas e Anton Keli, kushëri i Gjinit, situata u bë edhe më e tensionuar. Udhëheqës të ndryshëm të këtyre fiseve u sulmuan me armë dhe eksploziv në ngjarje që tronditën opinionin publik.

Edhe Kristian Marku akuzohej se kishte marrë pjesë në një nga këto përplasje. Në qershor 2023 ai kishte qëlluar ndaj Saimir Reçit në Rrëshen, bashkë me disa anëtarë të tjerë të fisit Bardhi, përfshirë edhe babanë e tij, Martin Bardhi.

Martin Bardhi më vonë u lirua nga gjykata për këtë ngjarje, por jetonte me frikë dhe rrallë dilte në qytet. Ai u vra më 27 shtator 2023, ndërsa po pinte kafe në lokalin e tij në Rrëshen.

Kristian Marku ishte viktima e dhjetë në këtë zinxhir vrasjesh dhe hakmarrjesh që vazhdon prej vitesh mes këtyre fiseve.