Një aksident është regjistruar ditën e sotme në Fier teksa dy makina janë përplasur kokë më kokë me njëra-tjetrën. Raportohet se shoferi 26-vjeçar, drejtonte makinën në gjendje të dehur, dhe për pasojë ka shkaktuar aksidentin.
I riu me inicialet O.G. ka goditur automjetin me drejtues 22-vjeçarin me iniciale H. A. në fshatin Dukas dhe një automjet tjetër të parkuar në rrugë.
Policia njofton se është plagosur vetë 26-vjeçari dhe shoferi tjetër së bashku me dy pasagjerë. Të katërt ndodhen në spital, jashtë rrezikut për jetën.
Për ngjarjen ka nisur hetimi, ndërkohë që pritet të merren në hetim shoferi.
